Zer da bloga?

Zer da blog bat?

Interneteko webgune bat da. Pertsona edo talde batek kudeatzen duen albistegi baten antzekoa da . Interneteko orri multzoa, berrienetik zaharrenera ordenatua, erantzunak jasotzen dituena, eta egileak nahi edo ahal duenean eguneratzen duena.

Egitura aldetik goiko markoak bloga identifikatzen du, zutabe nagusian mezuak eta erantzunak agertzen dira, eta alboko zutabean, besteak beste, egilearen deskripzioa, estekak, etiketak, kategoriak, mezuen artxiboa eta harpidetzeko loturak egon ohi dira. Mezuetan testuaz gain argazkiak, bestelako irudiak, aurkezpenak, animazioak eta bideoak ere txerta daitezke.

Blog bat egiteko bide errazena plataforma bat erabiltzea da. Plataforma hauek blog txantiloiak eskaintzen dituzte eta blogari ostatu ematen dioten. Blog bat eduki nahi duenak plataforma hauetako batera jo eta minut gutxitan bloga sortu eta idazten has daiteke.

Ezagugarri nagusiak

Libreak dira: Nahi duguna adierazi dezakegu.

Kronologikoak dira: Azken idatzia izanen da lehenengo ikusiko dena.

Irekiak dira: Irakurleek iruzkinak idatz ditzakete sarrera / orri guztietan. Erabaki hau egilearena da.

Kategorizatuak eta etiketatan banatuak daude: Argitaratzen diren sarrerak etiketatzen dira eta multzo batean edo eta gehiagotan sar daitezke. Modu honetan irakurleen bilaketa eta irakurketa bera errazten da.